Shefja e Politikës së Jashtme në BE, Federica Mogherini ka folur përpara nisjes së vizitës së saj në Ballkanin Perëndimor më 17 prill, ku do të ndalet edhe në Tiranë.
Mogherini duket e bindur se vendet e Ballkanit Perëndimor janë pjeë “kontinentit të vjetër” dhe si të tillë ato do t’i bashkohen pjesës tjetër të kontinentit me drejta të plota.
Ky është qëndrimi publik i kahershëm i Brukselit, por nga ana tjetër, liderëve të rajonit po u bëhet presion i jashtëzakonshëm në prapaskenë lidhur me reformat që duhet të ndërmarrin.
Një presion i tillë po i bëhet edhe kryeministrit shqiptar Edi Rama për të çuar përpara drejtësisë ish-ministrin e Brendshëm, Saimir Tahiri. Në të kundërt, nuk ka hapje të negociatave dhe për rrjedhojë as integrim deri në një qëndrim të dytë të Bashkimit Evropian.
Mogherini e cila javën e ardhshme do t’i dorëzojë së bashku me komisionerin Johannes Hahn progres-raportin për Shqipërinë kryeministrit Rama, e cilëson perspektivën aktuale të Ballkanit Perëndimor si një moment historik.
Por, nga ana tjetër, ajo që rrezikon në këtë rast është Shqipëria e cila është ngërthyer nga protestat e opozitës, protestat e shoqërisë civile dhe një zemërimi të gjithanshëm.
Megjithatë, mos-hapja e negociatave mund të vijë si pasojë e mosvënies përpara drejtësisë të ish-ministrit të Brendshëm, Saimir Tahiri i cili është i dyshuar për lidhjet me trafikun e drogës duke shërbyer si mburojë e grupit të Habilajve.
https://tiranatoday.com/be-coni-tahirin-ne-burg-ose-rrini-me-gisht-ne-goje/
Federica Mogherini: Ballkani Perëndimor është Evropë dhe do të jetë e ardhmja e Bashkimit Evropian, për një Bashkim të fortë, të qëndrueshëm. Kjo është çështje e ndarjes së interesit dhe të përgjegjësisë së vendeve të këtij rajoni për të mirën e qytetarëve tanë. Ky është momenti për të sjellë ndryshime pozitive për të bërë përparim të pakthyeshëm dhe transformues drejt BE-së”, thuhet në njoftimin e zyrës së shtypit të Mogherinit. Pas Tiranës, më 18 prill ajo do të vizitojë Shkupin.
