Moderatorja Oriela Nebijaj do të futet në Parlament. Ajo ka konfirmuar se do të pranojë mandatin e deputetes, shkruan gazeta “Panorama”. Ori do të zëvendësoj kështu në listën e PD në Tiranë, Grida Dumën, që lajmëroi dje dorëheqjen.
Grida Duma njoftoi një ditë më parë largimin si deputete, mes lotëve të kolegëve të saj dhe mes kritikave të forta për lidershipët dhe forcës politike të cilës i shërbeu dhe pas më shumë se 5 vitesh si përfaqësuese e shqiptarëve në Kuvend.
Dorëheqjen e saj nga mandati, Duma e sheh si një shembull që duhet ta ndjekin edhe elita e vjetër politike. Mandati i Grida Dumës i kalon Ori Nebijajt, pasi në zgjedhjet e 2021 ka siguruar 5606 vota preferenciale.
Nebijaj ishte renditur e 18 në listën e PD-së në qarkun e Tiranës, por pas rirenditjes në bazë të votave preferenciale ajo u ngjit një vend më sipër.
