Dy prezantueset e njohura, Rudina Dembacaj dhe Xhesi Muçaj kanë plotësuar kornizën e emisionit “2 Botë” . Gjatë këtyre puntatave kemi parë 12 konkurentë të cilët kanë sjellë lojëra të ndryshme, të qeshura, duke na larguar nga realiteti politik. Në kohë kur u duk se gjithçka po shkonte mirë, një lëvizje vjen nga moderatoret.
Udhëtimit të prezantueses Xhesi Muçaj në këtë emision i ka ardhur fundi. Ka qenë vetë producenti i emisionit, Pietro Zaniboni, i ftuar në emisionin “Ditë e Re” mëngjesin e sotëm i cili ka dhënë këtë lajm.
“Unë falenderoj Xhesika Muçaj, e falenderoj për profesionalizmin dhe buzëqeshjen. Ne kemi një linjë programi që na kushtëzon si autorë, që të kemi një dinamizëm absolut. Ne kemi thënë, më saktë znj. Rudina se konkurentët nuk do të pësonin eleminime dhe që personat e vetëm që mund të ndryshoheshin ishin vetë prezantueset.
Jo për mungesë meritash, por sepse formati herë pas here parashikon ndryshime. Gjithçka që nuk i përshtatet linjës të projektit, ne natyrisht gjatë rrugës mundohemi ta mbushim”, thotë Pietro.
Ai njofoi ndër të tjera se Rudinës pritet ti bashkohet në prezantimin e emisionit modelja e njohur Xhensila Pere.
“Do të kemi zonjushën Xhensila Pere, e cila ishte e ftuara jonë në puntatën e dytë”.
