Kequshqyerja e fëmijëve në shkollat e bashkisë Kamëz është alarmante. Nga gjendja e keqe ekonomike këta fëmijë ushqehen vetëm një herë në ditë. Kjo ndikon shumë keq në zhvillimin fizik të këtyre fëmijëve. Situata alarmante doli nga një studim i Autoritetit Shëndetësor Rajonal i Tiranës. Në studim janë pyetur 800 nxënës në 15 shkolla të kryeqytetit. Menjëherë ra në sy problemi që kanë fëmijët me kequshqyerjen.
10% e fëmijëve i janë përgjigjur pyetësorit se konsumojnë 1 vakt në ditë, 11% e tyre konsumojnë 2 vakte, dhe 38% katër vakte në ditë, që evidenton në këtë mënyrë problematikat e kequshqyerjes. Shifrat më të larta janë në Kamëz ku dhe zhvillimi fizik i 8 vjeçareve është i mangët sepse fëmijët hanë vetëm njëherë në ditë.
Përgjigjet e nxënësve të klasës së dytë që lidhen më këto çështje janë shqetësuese për sa i takon ushqyerjes dhe shikimit. Sipas raportit, 4% e fëmijëve janë nënpeshe, 13% e tyre mbipeshë, 9% janë obez dhe 74% fëmije me peshë normale. Një tjetër pyetje që iu drejtua fëmijëve ishte dhe ajo e qëndrimin para televizorit pa praninë e prindërve.
Përse i përkasin moshës 7-8 vjeç, bie në sy që fëmijët kalojnë 1 më shumë se një orë përpara televizorit, madje jashtë vëmendjes së prindërve.
