E shtunë, 23 Janar, 2021
12 C
Tirana

Mjeku: Më shkarkuan si dikur ‘për agjitacion e propagandë’

I bujshëm ishte largimi nga puna i mjekut që kritikoi menaxhimin e pandemisë. Qendra Spitalore Universitare “Nënë Tereza” pushoi nga puna mjekun e Urgjencës, Ilir Allkja, i cili ka reaguar herë pas here publikisht për menaxhimin që po i bëhet situatës së pandemisë në vend.

Në një intervistë të dhënë për SYRI TV, ai tha se motivacioni i pushimit nga puna ishte për shkelje të etikës, dhe konfidencialitetit në punë. Në kundërpërgjigje të këtij vendimi, ai shprehet se asnjëherë nuk ka shkelur Kodin Etik.

“Ju falenderoj për zërin që po më jepni, – tha doktori. –  Realisht nuk e prisja (shkarkimin). Jam thirrur disa herë në Drejtorinë e QSUT dhe kryefjala ka qenë komunikimi im me mediat.

Të gjithë më kanë ndjekur, në komunikimet e mia, kam folur për probleme të shëndetit publik. Kam qenë kritik me administrimin e pandemisë dhe problemeve të shëndetit në përgjithësi nga qeveria.

Fokusohemi tek vendimi për pushim nga puna. Mundet të më lexosh me çfarë motivacioni u bë?

Motivacioni ishte për shkelje të etikës dhe konfidencialitetit në punë. Domethënë i bie që unë dhe citohej saktësisht, kishte të bënte me mos ruajtjen e informacionit dhe komunikim me mediat.

A është e vërtetë kjo?

Unë nuk kam shkelur asnjë lloj Kodi Etik në profesionin tim, në punën time dhe jashtë punës sime. Gjithmonë kam qenë besnik me pacientin, kam bërë më të mirën time për shëndetin e pacientëve që kam trajtuar dhe nuk kam nxjerrë kurrë sekrete që kanë të bëjnë me jetën apo shëndetin e pacientëve.

Ky është betimi që kam bërë unë për profesionin ndërsa në lidhje me komunikimin me mediat kam thënë gjithmonë opinionet e mia për mënyrën e mirëadministrimit të shëndetit publik dhe të problemeve sociale politike në tërësi, pasi kam besuar se jetoj në një vend të lirë dhe demokratik ku liria e fjalës është parësore. Realisht kam besuar se të jesh qytetar në një vend të lirë do të thotë të jesh i lirë të bësh kritika karshi sistemit, të kërkosh ndryshime përmirësime në sistem. Kjo është A-ja në një demokraci, është A-ja për një intelektual dhe për një profesionist.

Lexo edhe :   “7 vjet pa bërë asgjë”, Basha ngre pyetjen: Do ta pushoje nga puna këtë njeri?
Lexo edhe :   “7 vjet pa bërë asgjë”, Basha ngre pyetjen: Do ta pushoje nga puna këtë njeri?

Ndërkohë, si ju është komunikuar largimi nga puna?

Më takoi postieri i institucionit, më dha një zarf e më kërkoi të firmosja në atë bllokun e tij. E hapa dhe prisja të merrja një paralajmërim a vërejtje, diçka të tillë, sepse besoja se më gjithë këtë zhurmë do të dilnin diku, por një vendim ku flitej për prerje direkte të marrëdhënieve të punës, për pushim direkt nga puna për shkelje flagrante të informacionit, këtë nuk e prisja realisht. Nejse, është tipike me formulimet që bënin dikur për agjitacion dhe propagandë.

 

 

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...