Pritja për shërbimin urban, duket se i ka lodhur qytetarët, e ndërsa nga ana tjetër qëndron frika për infektimin nga koronavirusi. Mjeku Erion Dasho, teksa ka qenë i ftuar në studion e “ABC News”, tha se ka ardhur momenti që Komiteti Teknik të mos mbetet në teori, por t’i komunikojë publikut një plan strategjik. Ai kërkoi nga qytetarët që të mos nënvlerësojnë masat, dhe se me mjaft rëndësi është si larja e duarve e po kështu vendosja e maskave.
“Autobusi pa maska prodhon rrezikshmëri, është një vend problematik. Shto edhe kohën në doganë. Transmetimi komunitar në plazhe, restorant të hapur, është përgjegjës për 20%.
Të mos merremi me 20%, por me problemin kryesor. Ne nuk e kemi problemin te personat të blejmë ne supermarket pa maskë. Problemin e kemi te spitali, fasonet, call-center apo administrata publike, por kjo nuk do të thotë që publiku nuk duhet të marrë masa.
Problemi mbetet në të gjitha ato vende ku ka përqendrim të lartë të virusit. E theksoj që edhe në supermarket ku hyn blen i moshuari, edhe i riu të dy duhet të jenë me maskë, sepse nëse i riu është i sëmurë infekton të moshuarit. Të bëhemi strategjik dhe të komunikojmë më publikun në mënyrë praktike.
Larja e duarve po arrin një pikë, tani që po zhvlerësohet. Të gjitha vendet e fituan me strategji, ndërsa në i komunikojmë akoma publikut mbaj maska apo ruaj distancimin”, sqaroi Dasho.
