Kryeministri grek Kyriakos Mitsotakis përgjatë një interviste për “CNN” theksoi se nëse situata vazhdon me ritmet aktuale, Greqia do të hapë sezonin turistik më datë 1 korrik.
Ndër të tjera, Mitsotakis pohoi se Greqia nuk është e varur nga turizmi i huaj si Portugalia apo Spanja.
“Të gjitha vendet europiane janë të varura nga turizmi. Skenari më i mirë është që Greqia të hapet për bizneset më 1 korrik dhe ne po punojmë për këtë.
Sigurisht, kjo përfshin linjat ajrore pasi pjesa më e madhe fluturojnë drejt Greqisë, por shumë strikte dhe me protokolle të detyrueshme”, u shpreh ai.
Në vijim, kryeministri grek deklaroi se qytetarët kanë filluar të kenë një besim të ri në shtet dhe në ekspertët e shëndetit:
“Do të jetë një verë ndryshe, por ne shpresojmë që e keqja është pas nesh. Ndoshta nuk do të ketë lokale të hapura, por turistët mund të përjetojnë një eksperiencë fantastike.
Ajo që unë e mbaj si trashëgimi të kësaj krize është ndjenja e suksesit kolektiv dhe guxoj ta përdor fjalën krenari. Grekët nuk kanë qenë krenarë në një kohë të gjatë dhe të gjatë. Për dhjetë vjet, ne ishim çanta goditëse e Evropës”.
