Sekretari i Përgjithshëm i PS, Taulant Balla ka folur në lidhje me miratimin e aktit normativ Anti-KÇK për sekuestrimin e pasurive.
Balla thekson se ky akt normativ do i shërbejë dhe do jetë në funksion të rezultateve pozitive të forcës goditëse të OFL.
Sa i përket operacioneve të zhvilluara nga OFL, Balla tha se ata e kanë bërë detyrën e tyre në lidhje me sekuestrimet. Sipas tij, këto sekuestro do të përdoren në funksion të shtetit, për të plotësuar nevojat buxhetore.
Akti normativ Anti- KÇK për sekuestrimin e pasurive u miratua ditën e djeshme në Komisionin e Ligjeve.
“Qeveria në bashkëpunim me Kuvendin ka sjellë edhe dy ligje të tjera të cilat e rrisin dhe e përmirësojnë kuadrin ligjor në funksion të një rezultati pozitiv në këtë nismë, në këtë forcë goditëse.
Dua ta përshëndes OFL për rezultatet sikur e keni parë nga ana e OFL janë referuar në SPAK, dhe prej SPAK në GJKKO një seri personash apo grupesh kriminale pasuritë e të cilëve po sekuestrohen, janë në proces ose janë referuar dhe ishte e domosdoshme një ligj më i plotë për pasuritë.
Në fund të këtij procesi jam tejet i sigurt që pasuritë e sekuestruara do të jenë të shumta dhe do të rrisin kapacitetet financiare të shtetit, në dobi të nevojave buxhetore apo të policisë së shtetit”, Balla.
