Ministri gjerman për Europën, Michael Roth ka uruar kryeministrin Edi Rama për fitoren në zgjedhjet parlamentare të 25 prillit.
Gjatë konferencës së përbashkët për shtyp me Ramën, Roth u shpreh se kreu i qeverisë arriti të merrte shumicën në zgjedhjeve, dhe bëri thirrje për një marrëdhënie të mirë midis mazhorancës dhe opozitës.
Michael Roth: ”Mund të keni gjithmonë besim tek Gjermania. Ne kemi një problem mes Maqedonisë dhe Bullgarisë, por ne po ndihmojmë. Duhet të jemi më solidarë. Shpreh urimet e mia edhe për kryeministrin që arriti që një shumicë të qartë. Si social-demokrat mund ta them se kjo nuk është diçka e vetëkuptueseshme. Dua që edhe këtu të ketë një marrëdhënie mes partisë që qeverisë dhe opozitës. Konkursi i ideve është eliksiri i jetës për demokracinë. Duhej që të arrihej një gatishmëri minimale kompromisi. Kjo do të jetë edhe kërkesa e palës tjetër. Kam ardhur të dëgjoj se ku mund të ndihmojmë më mirë. T’i kushtojmë vëmendje të rinjve që po largohen gjithnjë e më shumë. Uroj që të kthehen sepse do të shohin që ia vlen.”
