Ministrja e Arsimit Besa Shahini, pas pezullimit nga detyra të rektorit Mynyr Koni, ka komanduar në vend të tij Bernard Dostin.
Dosti është aktualisht zëvendës rektor në Universitetin e Tiranës dhe do të mbajë këtë pozicion deri në përfundim të çështjes dhe dhënies së vendimit të formës së prerë.
Ndërkohë, Meta nuk ka marrë ende një vendim sa i përket kërkesës së Shahinit për shkarkim e Mynyr Konit nga detyra.
Në deklaratën e saj për mediat, ministrja njoftoi se pezullimi i tij vjen për shkak se nuk ka reaguar pas kërkesave të studentëve,për plotësimin e tyre, ndërsa pezullimi i tij ishte njoftuar më herët edhe nga kryeministri Rama.
Kujtojmë se Rama gjatë një takimi me studentë dhe pedagogë u shpreh se Koni nuk ka mbajtur përgjegjësitë që i takojnë në raport me problemet e studentëve.
