Ministrja e Arsimit Rinisë dhe Sporteve, Besa Shahini ka deklaruar se është e zhgënjyer nga presidenti Meta. Ndërsa u shpreh se nuk mund të mbetemi peng i ideve të ish-deputetëve që dogjën mandatet dhe u vetëpërjashtuan nga Parlament dhe zgjedhjet vendore.
E ftuar në “ABC News”, Shahini tha se do të jetë votuese për herë të parë në vendin tonë dhe nuk e fsheh emocionin.
“Në vazhdën e vendimeve që ka marrë Presidenti kohët e fundit nuk më habit as ky vendim dhe është i pavlefshëm, natyrisht. Unë si votuese për herë të parë e mirëpres datën 30 Qershor dhe do dal të votoj. Gjatë kësaj kohe kemi marrë pjesë edhe nëpër fushata për t’i sensibilizuar njerëzit që të dalin dhe të votojnë. Ne duhet t’i respektojmë institucionet tona. Nuk ka më mandat një kryetar bashkie përtej 30 Qershorit. Ideja se do të presim deri në Tetor , Nëntor ose Dhjetor, pra kurdo që të vendosin ish-deputetët e vetëpërjashtua nga Parlamenti të përjashtuar nga zgjedhjet lokale, kjo nuk ka kuptim dhe nuk mund të jemi peng i ideve të njerëzve që kanë vendosur të vetëpërjashtohen nga politika”, tha ministrja.
