Meliza Haradinaj-Stublla është ministrja e Punëve të Jashtme në Kosovë. Ajo është pjesë e Aleancës për Ardhmërinë e Kosovës (AAK-së), e më herët ka mbajtur detyrën e këshilltares së kryeministrit Ramush Haradinaj.
E dënuar në vitin 2018
Ajo është dënuar në vitin 2018 me tetë muaj burg me kusht, dhe 1000 euro gjobë, pasi u shpall fajtore për deklarim të rremë.
Në formularin për deklarimin e pasurisë, të Agjencisë Kundër Korrupsion, nuk e ka deklaruar pronësinë e një biznesi të quajtur “IN MIDDLE LTD”, të regjistruar në Londër.
Çështja është në Gjykatën e Apelit në Prishtinë.
Arsimimi
Ajo ka kryer studimet bachelor në Universitetin Amerikan në Kosovë (AUK), në drejtimin politika publike. Studimet postdiplomatike, Haradinaj i përfundoi në Universitetin e Oxford-it, përmes bursës së qeverisë britanike, në specialitetin “Diplomaci”.
Pas përfundimit të studimeve, ajo u rikthye në Kosovë për t’i shërbyer vendit. Ajo u zgjodh anëtare në Kuvendin Komunal të Prishtinës gjatë vitit 2009-2013, ndërkaq më vonë themeloi edhe Institutin Kosovar për Diplomaci, organizatë kjo për avancimin e interesit shtetëror të Kosovës në shoqërinë ndërkombëtare. Meliza është pjesë e kryesisë së AAK-së.
