Ministrja e i Integrimit të BE-së Jadranka Joksimoviç thotë se Serbia “nuk do të kushtëzohet nga njohja e Kosovës në mënyrë që të bëhet anëtare e BE”.
Duke reaguar ndaj deklaratës së Presidentit Aleksandër Vuçiç se BE do t’i kërkojë Serbisë të nënshkruajë një dokument ligjërisht të detyrueshëm mbi normalizimin e marrëdhënieve midis Beogradit dhe Prishtinës, Joksimoviç tha se kjo nuk do të thotë njohjen e Kosovës.
Nënshkrimi i një dokumenti ligjërisht detyrues është parashikuar nga marrëveshja e Brukselit, tha ajo për RTS.
Ndoshta disa anëtarë të BE do të duan që Serbia të njohë Kosovën, por BE është në status neutral, sepse ka shtete anëtare që nuk e kanë njohur atë, shtoi ajo.
“Sigurisht që ne mund të bëhemi shtet anëtar i BE-së nëse nuk e njohim Kosovën. Pikërisht thelbi i një marrëveshjeje normalizimi është definimi i kornizës së normalizimit që nuk do të na detyrojë të njohim një Kosovë të pavarur, por që sigurisht do të thotë një seri e tërë e koncesioneve – por me kusht që Prishtina të përmbushë detyrimin e saj themelor (nga marrëveshja e Brukselit), e cila është Komuniteti i Komunave Serbe “, tha ministri.
Ajo theksoi se përmbajtja e një marrëveshjeje ligjërisht detyruese do të përcaktohej nga rezultatet e dialogut midis Beogradit dhe Prishtinës.
“Nuk do të ketë dilemë për Kosovën apo BE-në, sepse nëse do të kishte, do të ishte një tregues se standardet për të cilat flasim çdo ditë me Brukselin nuk ekzistojnë dhe ato janë reforma, sundimi i ligjit, kapacitetet administrative, ” tha Joksimoviç.(Tirana Today)
