Ministria e Shëndetësisë publikon protokollin për votimet e 25 prillit

Ministria e Shëndetësisë ka publikuar protokollin për votimet në zgjedhjet parlamentare të 25 prillit.

Konkretisht, thuhet se nëse dikush ka shenja si ethe, mungesë frymëmarrjeje ose temperaturë duhet të qëndrojë në shtëpi. Po ashtu, një gjë të tillë duhet ta bëjnë personat e infektuar.

Sallat e votimit rekomandohen që të jenë në katin e parë, dhe të kenë hyrje dhe dalje të veçantë me qëllim shmangien e grumbullimeve.

Maska është e detyrueshme, teksa kutitë e votimit dhe dhomat e fshehta duhet të vendosen 2 m larg komisionit.