Ministria e Infrastrukturës dhe Energjisë, ka publikuar kalendarin e riatdhesimeve për datat 14-20 maj. Fluturimet janë për të gjithë shqiptarët e bllokuar jashtë shtetit, por edhe anasjelltas, kjo për shkak të pandemisë së COVID-19.
Në kalendarin e publikuar në Facebook, thuhet se udhëtimet do të jenë të mundura nga Stambolli, Milano, Roma, Frankfurti, Zyrihu, Londra, Parisi dhe anasjelltas.
Në njoftimin në fjalë, vihet në dukje se udhëtimet do të realizohen me Air Albania, dhe qytetarët duhet ta prenotojnë fillimisht biletën. Po kështu, për çdo paqartësi, apo informacion shtesë, në dispozicion është vënë një numër telefoni.
