Ministri i Bujqësisë, Bledi Çuçi ka deklaruar se në gjysmën e parë të këtij viti, në sektorin e bujqësisë është shënuar rritje prej 24.1%, ndërsa tha se peshën më të madhe të eksporteve e mbajnë perimet.
Ndër të tjera, ministri deklaroi se harta e vendeve ku eksportohen prodhimet shqiptare po zgjerohet edhe jashtë Bashkimit Evropian.
“Në total, sektori bujqësor ka një rritje me 24.1%. Grupi i perimeve ruan pozitat e kampionit në eksportin e prodhimeve tona bujqësore.
Krahas vendeve të BE jemi zgjeruar edhe në tregje të reja të largëta, si India”, deklaroi Çuçi.
Sa i përket lajmeve të publikuara në media, ku rezultoi se në disa tregje, pjepri kishte përmbajtje më të larta të substancave sesa norma e lejuar, ministri tha: “Nuk është në mandatin e AKU që të marrë çdo shalqi dhe pjepër dhe ti vërë lodrën kineze dhe ti shesë shqiptarëve dëngla që po shiten këto ditë për hir të luftërave të pandershme tregtare.”
