Ministrat e turizmit të BE-së ranë dakord se do të bënin çdo gjë të mundur për rimëkëmbjen e turizmit.
Ata u dakordësuan se kufijtë duhet të hapen gradualisht mes të gjitha vendeve të Bashkimit Evropian, natyrisht duke respektuar rregullat e higjienës e distancimit social.
Ata i kërkuan, gjithashtu, komisionit të krijojë një faqe në internet, ku të ofrohen informacione në kohë reale mbi kufizimet dhe masat në çdo vend të BE-së, shkruan “A2”.
Të hënën, 11 shtete anëtare, mes të cilave Austria, Bullgaria, Kroacia, Gjermania, Italia e Spanja, ranë dakord lidhur më një sërë rregullash që do të lejojnë udhëtimet ndërkufitare.
Sipas planit, asnjë turist që viziton shtete të huaja anëtare nuk do të vihet në karantinë.
