Qeveria ende në detyrë e Kosovës po mban një mbledhje një orë para se në Kuvend të votohet Qeveria Hoti.
Në sallën e mbledhjeve të qeverisë kanë mbërritur ministrat në detyrë nga Lëvizja Vetëvendosje. Ndërsa deri më tani nuk është parë ndonjë ministër nga radhët e LDK-së të ketë hyrë në sallën e mbledhjes.
Bëhet me dije se e pranishme në mbledhje është edhe ministrja në detyrë e Administrimit dhe Pushtetit Lokal, Emilia Rexhepi.
Në orën 11 pritet të mblidhet seanca e jashtëzakonshme për të miratuar qeverinë Hoti.
