Kryeministri Edi Rama aktualisht ndodhet në Gjirokastër ku po zhvillon takimin elektoral të radhës në kuadër të zgjedhjeve vendore.
Nuk kanë munguar edhe të qeshurat nga ana e militantëve të PS-së teksa Rama cilësonte “fallxhore” Monika Kryemadhin: “PD-ja po mbytet në filxhanin e fallxhores. Ilir, thuaji Monikës s’ka kafe turke deri më datë 30 qershor”.
Fjala e Ramës:
“E para kush fiton qeveris, kush humbet, humbet, s’ka më llafe. E dyta nuk ka më sharje për Shqipërinë në gjuhë të huaja. Ai pushimet nuk i lë dot, avazi i tij vazhdoi më keq, mirë që iku nga parlamenti, bënte festë fitoreje se dogji mandatet e tyre. Do e vendosi Zhulieta bashkë me fallxhoren a do votojnë, a s’do votojnë shqiptarët.
Ndërsa Meta është si hëna, herë e plotë, e herë e zbrazët. Punuam bashkë bëmë gjëra të mira, po tani ka qëlluar hëna e plotë, tani e shikon Saliu nga humnera, aty ku ndodhet. Del burri i botës: firma ime, nuk është firma ime.
Pse mos të shtyhen zgjedhjet, ne qeverinë e kemi, shumicën në parlament e kemi, 75 % të Shqipërisë e qeverisim. Ça problemi ka që të mos shtyhen zgjedhjet? Te ne ka rrumpallë, rrëmujë, gallatë…Populli rri e pret. Ca do Ilir Meta më shumë nga Shqipëria?
Po fallxhorja ca do? Fallxhorja është blerësja më e madhe e votave. Lulëzimi ka frikë nga zgjedhjet se nuk i fiton dot zgjedhjet. Po e bëjnë Shqipërinë zhele në sytë e botës. Pse nuk bënë hetime atëherë për përgjimet? Pse nuk gjetën fajtorë që t’i çonin në gjykatë? Populli shqiptar të ndjen me hundë, se kush je dhe ça kërkon”.
