Një oficer i policisë së Shkodrës, i veshur civil ka kërcënuar një gazetar, vetëm pak minuta para protestës së opozitës së bashkuar. Ngjarja ka ndodhur në një postbllok në Kryebushat, ku po kontrolloheshin të gjitha automjetet që udhëtonin nga Shkodra drejt Tiranës.
Në videon e publikuar nga “BalkanWeb”, shihet momenti kur polici e paralajmëron gazetarin se do ta arrestojë. Ai dëgjohet teksa u thotë policëve të tjerë që ta shoqërojnë.
Burime për “BalkanWeb” bëjnë me dije se bëhet fjalë për oficerin e krimit ekonomik në Policinë e Shkodrës, Shpëtim Dushku, i cili pa asnjë mjet identifikimi ka kërcënuar me burg gazetarin, vetëm sepse po filmonte kontrollin që po bënin uniformat blu.
