Presidenti Ilir Meta ka uruar Arba Kokalari, eurodeputeten e parë shqiptare në Parlamentin Evropian.
Përmes një postimi në “Facebook”, Meta shkruan se zgjedhja e saj në PE, i bën të lumtur të gjithë shqiptarët.
“Arba Kokalari, shqiptarja e parë eurodeputete, i bën të lumtur të gjithë shqiptarët dhe meriton mirënjohjen e tyre, jo vetëm si model suksesi në Suedi, por edhe përfaqësimi dinjitoz në Europën e Bashkuar”, shkruan Meta në postimin e tij.
Arba Kokalari, 32-vjeçarja shqiptare, e cila jeton prej vitesh në Suedi, mori mbështetjen e suedezëve në zgjedhjet për PE që u zhvilluan ditën e djeshme, teksa arriti që të fitonte me partinë e Moderatëve suedezë, pjesë e Partisë Popullore.
