Presidenti i Republikës, Ilir Meta deklaroi se në 25 prill, kryeministri Edi Rama do të rikthehet pranë bashkëshortes Lindës dhe djalit të tij Zahos, sepse qytetarët do të tregojnë se vota e tyre ka fuqi në demokraci.
I ftuar në emisionin “Të Paekspozuarit”, Kreu i Shtetit u shprehse pas 25 prillit do të rikthehet sistemi demokratik dhe shteti i së drejtës.
Ilir Meta: “Ç’do qytetar i Shqipërisë të tregojë respekt për votën e tij. Të tregojë se vota e tij është fuqia e tij në demokraci. Të gjithë të shkojnë në 25 prill drejt kutive të votimit sepse është moment shumë i rëndësishëm. T’ja kthejmë Edin, Zahos, Lindës dhe familjes së tij. Ndoshta në ngrohtësinë familjare ai do të jetë edhe më i qetë. Ka patur ankesa që po stresohet dhe po sakrifikon. Në këtë mënyrë zgjidhim dy probleme. I japim fund një eksperimenti të dështuar. Rikthejmë sistemin demokratik. Shtetin e së drejtës, meritoracinë, përcaktojmë qartë rrugën europiane, bëjme edhe sevap. Unë luftoj për të ndaluar shpopullimin e Shqipërisë. Për t’i dhënë fund një eksperimenti që e çon Shqipërinë në pikiatë”.
