“Populli është i zemëruar”/ Meta: Rama të ikë si Ramiz Alia

Presidenti i Republikës, Ilir Meta deklaroi se kryeministri Rama duhet të ndjekë shembullin e Ramiz Alisë.

I ftuar në emisionin “Të Paekspozuarit”, Meta tha se Rama nuk ka më luksin e hyrjes në zgjedhje pa opozitë dhe nuk i mbetet rrugë tjetër veç largimit.

Ilir Meta: “Të gjitha pushtetet i ka futur në xhep. Popullin s’e fut dot. Kemi rastin e Kirgistanit, nuk ia vlen të krahasohemi. Por për Kirgistanin tregoi dinjitet dhe populli ynë do ta tregojë gjithashtu. Të jeni të sigurt që beteja nuk është e lehtë. Shkelja e marrëveshjes është një panik i tmerrshëm. Mbajmë mend edhe ‘94 dhe referendumin për Kushtetutën. Edhe doktori i madhërishëm e besoi se do të fitonte, por produkti ishte krejt tjetër.

Në demokraci pushteti në pamje të parë duket i fortë. Por ka forcë kur ka moral. Populli është i zemëruar. Kanë ngelur edhe 40 e ca ditë. Nuk ka shans opozita të mos marrë pjesë në zgjedhje. Të gjitha përpjekjet e tij kanë qenë që opozita të mos hynte prapë në zgjedhje. Opozita e mësoi të bëjë zgjedhje vetëm. Por kësaj radhe është domosdoshmëri historike. Unë i kam sugjeruar të zgjedhë modelin e Ramiz Alisë”.