Presidenti Ilir Meta, gjatë qëndrimit në Bosnje-Hercegovinë, vizitoi edhe selinë e Këshillit të Bashkëpunimit Rajonal në Sarajevë, ku në krye të kësaj organizate qëndron ish-ministrja, Majlinda Bregu.
Kreu i shtetit, teksa vlerësoi punën e bërë nga Bregu, theksoi ndër të tjera se ministrja po përshpejton integrimin e vendeve drejt familjes së madhe të Bashkimit Evropian.
“Kënaqësi të jem Presidenti i parë shqiptar?? që vizitoj selinë e Këshillit të Bashkëpunimit Rajonal në Sarajevë, e njëkohësisht të bisedoj me shqiptaren e parë në krye të kësaj organizate të rëndësishme znj.Majlinda Bregu, e cila po bën një punë të shkëlqyer për forcimin e bashkëpunimit rajonal dhe përshpëjtimin e proceseve integruese të vendeve të Ballkanit Perëndimor”, shkruan Meta.
