Presidenti i zgjedhur, Ilir Meta, në emisionin “Opinion” ka deklaruar se nuk ka pasur frikë nga Berisha dhe Nano bashkë dhe jo më tani nga Tomi dhe Xherri. Meta i referohet marrëveshjes së Ramës dhe Bashës si ajo e Tomit dhe Xherit. Meta ka thënë së është në politikë dhe nuk ka dalë në pension.
“Nuk kam pasur frikë nga Berisha dhe Nano bashkë dhe jo më tani nga Tomi dhe Xherri. Nuk kam dalë në pension por do të ketë surpriza. Bëni durim deri më 25 qershor se do të ketë dhe 26 qershor. Këta të dy të heqin dorë nga skenarët për e frikësimit të njerëzve. Është një parti e rinisë së Shqipërisë. Sot shumica e socialistëve janë më LSI-në. Ne nuk kemi asnjë përgjegjësi për blerjen e votës. Kriminelët, që LSI-ja nuk i futi në parlament, janë ata që bënë blerjen e votës”, tha Meta.
Gjithashtu, Meta tha se “Marrëveshja Rama-Basha do të marrë përgjigjen e duhur pas zgjedhjeve të 25 qershorit. Nuk ka një marrëveshje PS-PD por vetëm një marrëveshje midis Ramës dhe Bashës.”
