Një ditë më parë, LSI u shkri dhe u konvertua në Partia e Lirisë. Meta tha sot se nuk ka asnjë konkurrencë me Berishën, dhe se Partia e Lirisë do të ndezë flakën e demokracisë. Ish-presidenti Meta, në një konferencë me gazetarët vendosi pikat mbi “i”, duke theksuar se nuk ka asnjë konkurrencë me Berishën dhe se Partia e Lirisë do të rikthejë shpresën dhe demokracinë.
“Nuk është problem nëse do jetë parti e parë e opozitës, sepse mund të jesh parti e parë opozitare për 200 vjet, kjo të bën bisht të mazhorancës. Nuk kam asnjë konkurrencë me Berishën. Do ndezim flakën e demokracisë.
Partia e Lirisë do ndezi flakën e shpresës, e demokracisë. Do ta shpëtojë Shqipërinë. Nuk është parti nacionaliste, është parti patriotike.
Nuk kemi pretendim territorial ndaj asnjë vendi. Jemi parti ultra demokratike. Referendumi është garant për rikthimin e Shqipërisë në themelet e Kushtetutës. Kushtetuta e 1998, ishte Kushtetuta më perfektë. Referendumi është pjesëmarrje e popullit. Është parti reale”, tha Meta.