Mbarimi i mandatit të Ardian Dvoranit si anëtar i Gjykatës së Lartë, pritet të shqyrtohet nesër në KLGJ në orën 12:00, ku do të mblidhet online.
Shkas është bërë një letër që kreu i shtetit, Ilir Meta, i ka dërguar këtij institucioni dhe KLGJ-së, duke i vënë në dijeni për mandatin e tij. Sipas Metës, Dvorani s’mund të jetë më anëtar i Gjykatës së Lartë, pasi mandati i tij ka mbaruar para 6 viteve dhe tashmë vakancat minimale në GJL janë plotësuar.
Më tej Dvorani kërkoi kohë, për të paraqitur dokumentet e tij. Kërkesa në fjalë u pranua nga KLGJ-ja. Dvoranit iu pranua kërkesa për shtyrje të afatit të paraqitjes së argumentave, të cilat do t’i japë me të gjitha gjasat nesër apo para përfundimit të afatit.
