Kryetari i i Partisë së Lirisë, Ilir Meta, ka reaguar në lidhje me deklaratat e kryeministrit Rama gjatë konferencës me homologun e tij spanjoll. Në kundërpërgjigje, Meta tha se nxitja e tensioneve është në dëm të rajonit tonë por dhe mbarë Evropës. Ai iu drejtua kreut të qeverisë, ku tha se nuk duhet që të bëjë lojën e strucit. Ish-Presidenti Meta dënoi në emër të Partisë së Lirisë veprimet e strukturave paralele serbe në veri të Kosovës, duke theksuar se BE-ja duhet që t’i tregojë Beogradit që çdo veprim për destabilizimin e rajonit do të ndëshkohet. Ai tha ndër të tjera se qeveria e Shqipërisë, duhet të pozicionohet qartë në krah të Kosovës.
“Tensionet e mbrëmshme janë tregues i qartë që Serbia s’është e interesuar të respektojë marrëveshjet ndërkombëtare të firmosura në Bruksel me Kosovën, dhe i bllokon ato qëllimisht dhe keqpërdor në interes të politikave destruktive dhe destabilizuese, duke u fshehur pas grupeve kriminale në veri të Kosovës.
Nxitja e tensioneve është në dëm të rajonit tonë, por dhe mbarë Evropës. Siguria e stabilitetit në rajon sot, më i domosdoshëm se asnjëherë tjetër.
Kryeministri shqiptar mos bëjë lojën e strucit nga halli që i mbetet qejfi shefit të Ballkanit të Hapur, të pozicionohet krah Kosovës dhe të drejtës së saj. Kryeministri ynë mbylli gojën për 24 orë”.
