Presidenti Ilir Meta ka pritur sot në zyrën e tij homologun Hashim Thaçi. Ky i fundit ndodhet në Tiranë në kuadër të Samitit të Brdo-Brijuni.
Në një postim në Facebook, Meta thekson se dy palët vlerësuan marrëdhëniet e shkëlqyera dhe nënvizuan nevojën e rritjes së bashkëpunimit rajonal.
“Liberalizimi i vizave për qytetarët e Kosovës, mëse i merituar”, përmbyll Meta në postimin e tij.
Postimi i plotë:
Shumë i kënaqur të takohesha sot me Presidentin e Republikës së Kosovës, Hashim Thaçi, i cili ndodhet në Tiranë në kuadër të Samitit të Brdo-Brijuni.
Vlerësuam marrëdhëniet e shkëlqyera dypalëshe dhe nënvizuam nevojën e rritjes së bashkëpunimit rajonal, si domosdoshmëri për integrimin europian.
Liberalizimi i vizave për qytetarët e Kosovës, mëse i merituar.
