Presidenti Ilir Meta zhvilloi sot një takim me ambasadorin e Kilit, Octavio Errazuriz Guillisasti, me rastin e paraqitjes së Letrave Kredenciale.
Kreu i shtetit vlerësoi nivelin e mirë të marrëdhënieve ndërmjet dy vendeve, si dhe theksoi nevojën për zgjerimin e mëtejshëm të tyre. Sipas tij, kjo arrihet përmes dialogut politik dhe bashkëpunimit ekonomik e kulturor.
Po ashtu, Meta inkurajoi rritjen e bashkëpunimit ndërmjet dy vendeve për përballimin e fatkeqësive natyrore.
