Kreu i Shtetit, Ilir Meta, ka falenderuar shqiptarët e Amerikës, të cilët kanë protestuar para Shtëpisë së Bardhë kundër Sorosit, dhe kundër vendosjes së neo-diktaturës në Shqipëri. Meta thotë se Shqipëria nuk do kthehet më kurë në “one-party state”, e thënë ndryshe në një vend që ka vetëm një parti.
Në konferencën e fundit për shtyp, Meta sulmoi hapur miliarderin amerikan George Soros, duke kujtuar se biri i tij vjen shpesh në Shqipëri, Kosovë e Serbi, e dha mesazhin se ‘Shqipëria është e vogël për përmasat e tij’.
Komuniteti shqiptar në Amerikë akuzon kryeministrin Edi Rama në bashkëpunim me fondacionin Soros, se po rikthen komunizmin në Shqipëri.
“Mirënjohje të gjithë shqiptarëve të mbledhur dje në Uashington DC para Shtëpisë së Bardhë, të cilët lanë punët e tyre dhe i bashkoi shqetësimi për të ardhmen e Shqipërisë, duke konfirmuar aleancën e pathyeshme të kombit tonë me Shtetet e Bashkuara të Amerikës.
Përkrahja e tyre më shumëfishoi forcat, ndaj si President i Republikës kam besim tek komuniteti i ndershëm shqiptaro-amerikan, për të mbrojtur dhe forcuar së bashku këtë aleancë strategjike!
Shqiptarët qëndrojnë të fortë dhe të vendosur, jo për të marrë një vizë amerikane, por për të mbrojtur idealet amerikane të lirisë dhe dinjitetit njerëzor, që janë jo vetëm idealet e SHBA, por edhe të qytetërimit botëror ku ne bëjmë pjesë.
Shqipëria nuk do të kthehet kurrë më në “one-party state”!
Ne jemi anëtarë të NATO-s dhe në zemër të kësaj Aleance është DEMOKRACIA!
Zoti e bekoftë Shqipërinë!
God bless America!
God bless Albanian-American friendship!”.
