Ish-ministri i Drejtësisë, Ylli Manjani ka komentuar me nota të ashpra, vendimin e presidentit Meta për t’u paraqitur sot para Komisionit Hetimor.
Me anë të një postimi në Facebook, Manjani sjell në vëmendje nenin 162, i cili thekson se Komisioni Hetimor duhet të paraqitet në zyrën e Presidenti dhe jo e kundërta.
“Nenet e këtij Kodi janë të zbatueshme edhe për procedurat hetimore parlamentare. Dhe kur Prokurori i shtetit e ka detyrë ti shkojë në zyrë Presidentit të Republikës, Ulsiu po e po! Si Çeço madje. Kryeministri dhe Kryetari i Kuvendit mund edhe të shkojnë, Presidenti jo”, shkruan Manjani në Facebook.
Postimi i plotë:
Për të gjithë ata që më pyetën “mbi ç’ligj Presidenti i Republikës nuk duhet të shkojë tek Komisioni Hetimor”,po ju sjell në vemendje nenin 162 të Kodit të Procedurës Penale.
Nenet e këtij Kodi janë të zbatueshme edhe për procedurat hetimore parlamentare.
Dhe kur Prokurori i shtetit e ka detyrë ti shkojë në zyrë Presidentit të Republikës, Ulsiu po e po! Si Çeço madje.
Kryeministri dhe Kryetari i Kuvendit mund edhe të shkojnë, Presidenti JO!
Ky është një nen që ka të bëjë me dinjitetin e funksionit Publik dhe jo domosdoshmërisht të personave që e kryejnë arë funksion.
Nuk mund të shkalafatet Presidenti i Republikës nëpër qorrollepsje politike parlamentare. Presidenti është zyrtari që ka në dorë të kufizojë Parlamentin nëpërmjet të drejtës së vetos. Ka të drejtë edhe ta shpërndajë Parlamentin, në rrethana të caktuara.
Ndaj them që është gabim vatja e Presidentit aty, në atë gjellë qensh. (Ndjesë qenve).
