Ish-ministri i Drejtësisë, Ylli Manjani, ka komentuar publikimin e mesazhit të kryeministrit Edi Rama dërguar presidentit Ilir Meta. Sipas Manjanit, transparenca e vërtetë e politikanëve është nxjerrja në publik e sms-ve, dhe mesazheve nëpër Whatsapp. Me ironi, ai shkruan se në ato sms, gjenden të vërteta të hidhura, dhe se kush e drejton këtë vend.
Duke iu referuar statusit të Manjanit, me anë të një mesazhi, kryeministri Rama ka shprehur hapur ambicien për të shkatërruar opozitën. Ndaj, ai për këtë gjest e cilëson Ramën diktator.
Statusi
Transparenca e vërtetë e politikanëve është nxjerrja në publik e sms-ve e mesazheve nëpër Ëhatsapp.
Pa asnjë dyshim që gjenden xhevahirë rë paçmuar aty.
Aty tregohet se kush e drejton këtë vend.
Përgjimet e BILD i hanë atë që s’thuhet sms-ve të politikanëve…
Ekspozimi i tyre do falimentonte NETFLIX, këto platformat tona nuk llogariten se janë të falimentuara.
Pra me një SMS Kryeministri paska.shprehur ambicjen e tij për të shkatërruar opozitën.
Kokrra e diktatorit!
Pak më herët, presidenti Ilir Meta lexoi live nga Presidenca mesazhet që i ka dërguar Edi Rama. Kreu i Shtetit tha se Rama i ka thënë në mesazh që Luli s’do jetë më kryetar partie pas zgjedhjeve vendore, ndërsa Meta nuk do gjejë më gjurmë LSI-je.
“Ça më shkruan ky (Rama), nuk e kam zakon por do i nxjerrim mesazhet. Më 18 shkurt me shkruan: Lulit i kam shkuar në fund të 2017, se pas zgjedhje lokale nuk do jetë kryetar partie, ndërsa ty po të shkruaj se pasi të mbarosh mandatin si President, nuk do gjesh më gjurmë LSI-je.
Pra i vjen keq edhe për mua edhe Lulit, mua kur nuk më erdhi keq për ditët e mia në PS në ditët e mia më të zeza, që Edi i gjuante me gurë, e bënte pis atë, nuk më vjen keq as për LSI se e bëra për të dhënë mundësi të rinjve si Gjosha, Panariti, Mehmeti të bëjnë diçka të mirë për vendin”, tha Meta.
