Një ditë pas daljes para Komisionit Hetimor, presidenti Ilir Meta ka zbuluar takimin që realizoi ditën e djeshme me kreun e Kuvendit, Gramoz Ruçin.
Përmes një postimi në “Facebook”-un e tij, Meta ka shpërndarë një foto disi të vjetër ku shfaqet krah Ruçit dhe Ramës, ndërsa krahas saj shkruan se rikthimi i djeshëm ne Kuvend ka qenë një kënaqësi.
Po ashtu, kreu i shtetit shprehet se ishin në një mendje se dy grupet parlamentare më cilësore opozitare kanë qenë ai i PD në ’91-’92 dhe ai i PS në ’92-’96.
“Ishte kënaqësi dje të rikthehesha në Kuvend. Po kështu të shkëmbeja disa mendime dhe kujtime me Kryetarin e Kuvendit z.Gramoz Ruçi. Së bashku ramë dakord se dy grupet parlamentare më cilësore opozitare kanë qenë ai i PD në ’91-’92 dhe ai i PS në ’92-’96. Kjo më përforcon bindjen se në demokraci, cilësia është më e rëndësishme se sasia, për të udhëhequr ndryshimin e një shoqërie, edhe kur “sasia” duket fuqiplotë”, shkruan Ilir Meta.
