Kreu i Shtetit, Ilir Meta, ka dalë sot para mediave për të folur për situatën në vend, ku tha se sundimi i ligjit dhe shteti i së drejtës janë vënë në pikëpyetje.
Duke qënë mjaft i drejtëpërdrejtë, presidenti Meta nënvizoi se aktualisht kemi dy shtete paralele, atë të propagandës dhe shtetin e së drejtës.
“Presidenti i Republikës ka respektuar Kushtetutën e Shqipërisë, të gjitha detyrimet ndërkombëtare. Ata që nuk duan të binden, sepse i tillë është interesi partiak, është problemi i tyre. Jetojmë në shtetin e propagandës, dhe në shtetin e së drejtës. Unë respektoj shtetin e së drejtës”, deklaroi Meta.
