Presidenti Ilir Meta, përmes një statusi në rrjetin e tij social “Facebook”, ka uruar kryeministrin e ri të Britanisë së Madhe, Boris Johnson, ku shpreh gatishmëri për forcimin e mëtejshëm të marrëdhënieve dypalëshe në të gjitha fushat.
“Urime dhe shumë suksese z.Boris Johnson për zgjedhjen në detyrën e lartë të Kryeministrit të ardhshëm të Britanisë së Madhe. Gatishmëri për forcimin e mëtejshëm të marrëdhënieve dypalëshe në të gjitha fushat. Shqipëria beson në angazhimin e dosmosdoshëm të Britanisë së Madhe në Ballkanin Perëndimor, si faktor kyç për stabilitetin e rajonit, konsolidimit të demokracisë dhe shtetit ligjor”, shkruan Meta.
Boris Johnson fitoi bindshëm përballë rivalit të tij, Jeremy Hunt, ku doli fitues duke marrë 92,153 vota, ndaj 46,656 të kundërshtarit të tij.
