Kreu i Shtetit Ilir Meta përgjatë konferencës për shtyp në ambientet e Presidencës, njoftoi se ka caktuar 13 tetorin si datën e re të zgjedhjeve lokale.
“Dua ta nis këtë konferencë të veçantë të shtypit duke ju njohur me dekretin për datën e zgjedhjeve vendore dhe me shpjegimin tim përse kam vendosur që në 13 tetor të mbahen zgjedhjet sepse është dita më e shenjtë për të garantuar zgjedhje”, tha ai.
Ndër të tjera Meta theksoi se ai nuk i kërkon askujt që të marrë pjesë në mënyrë të pavullnetshme në zgjedhje dhe se i vjen keq për reagimet e Ramës. Ky i fundit shprehet i vendosur që zgjedhjet të zhvillohen këtë të dielë, më datën 30 qershor.
“Nuk mund të detyroj askënd që të marrë pjesë në mënyrë të pavullnetshme në zgjedhje. Për mua nuk ka asgjë më të rëndësishme se stabiliteti dhe më vjen keq për reagimet e Ramës. Për sa më përket mua, e kam bërë detyrën time në emër të presidentit”, tha Meta.
