Presidenti Ilir Meta ka mohuar që po përgatitet për të krijuar një parti të re, siç tha dje kryeministri Edi Rama, duke kujtuar edhe një herë se do të jetë në krye të shtetit deri më 24 korrik 2022, kur i mbaron mandati. Ai tha në një deklaratë për mediat se nuk ka nevojë të krijojë parti!
“Më vjen keq, ju e dini shumë mirë që Meta është presidenti i Shqipërisë deri në 24 korrik 2022 dhe nuk ka nevojë as të mbështesë parti, e as të krijojë parti, e asgjë tjetër. Fronti për demokracinë nuk përjashton asnjë, fillon reformën dhe me zgjedhje të lira e të ndershme. Janë të gjithë të mirëpritur, se diktatura ka trokitur e mos e merrni me shaka. Të gjithë duhet të zgjohen, e të mbrojnë të drejtat e tyre”, tha Meta.
