Sot u bë me dije se kreu i Partisë së Lirisë, Ilir Meta është takuar për rreth 90 minuta me ish-kryeministrin Sali Berisha dy ditë më parë. Meta tha se edhe kur nuk takohet me kryetarin e PD-së, Sali Berisha, janë në kontakt online me njëri-tjetrin.
I pyetur për takimin e dy ditëve më parë, Meta tha se me Berishën e gjejnë “gjuhën e përbashkët”.
“Me Berishën kemi një kimi të mrekullueshme. Takohemi apo nuk takohemi, jemi online”.
Dy liderët e opozitës në vend kanë zhvilluar një takim “kokë më kokë” dy ditë më parë. Kryetari i Partisë Demokratike Sali Berisha e ai i Partisë së Lirisë, Ilir Meta janë mbledhur për të diskutuar në lidhje me aksionin opozitar që pritet të nisë me ardhjen e sesionit të ri parlamentar. Nuk dihet ende se cili ka qenë vendtakimi që ka bërë bashkë Berishën e Metën dhe as përfundimi i diskutimeve.
