Pas lajmit që bëri xhiron e rrjetit se më 26 prill 2021, Ilir Meta do të japë dorëheqjen nga posti i presidentit dhe do të bëhet kryeministri i Shqipërisë dhe ministër i Brendshëm, një sërë reagimesh janë përcjellë në këtë drejtim.
Ish-kreu i Aleancës Kuq e Zi, Kreshnik Spahiu, ironizon Berishën duke thënë se edhe 80-vjeç pretendon të kthehet në politikë si president.
Nga ana tjetër, PD thotë se në fakt lajmi është diversion i Ramës. Përgënjeshtrimi për këtë lajm ka ardhur nga nënkryetari i PD, Edi Paloka.
Statusi
Burime për “Ora News” bënin me dije se Meta është gati të lërë detyrën e presidentit dhe të marrë atë të kryeministrit dhe ministrit të Brendshëm, për të vendosur rendin në vend.
Ose të zv. kryeministrit dhe ministrit të Brendshëm njëherazi, gjithmonë kjo në varësi të rezultatit të zgjedhjeve. Sakaq, postin e presidentit flitet që mund ta marrë Rexhep Meidani ose Sali Berisha.
