Presidenti Ilir Meta ka folur për refuzimin e kryeministrit Rama për ta takuar. Gjatë konferencës së veçantë, ku njoftoi datën e re të zgjedhjeve lokale, që do mbahen më 13 tetor, presidenti zbuloi porosinë që i ka dhënë herë pas here Ramës edhe kur ata ishin në koalicion.
Teksa tha se nuk e ka për turp që është burri i Monikës sepse ai di të bëjë dallimin mes “Monikës dhe Republikës”, Meta zbuloi se i ka dhënë porosi Ramës të bëjë dallimin nga kryetari i Partisë Socialiste dhe kryeministër i gjithë shqiptarëve.
“Unë nuk e kam për turp që jam burri i Monikës. Por di ta bëj dallimin mes Monikës dhe Republikës. Rama duhet të bëjë dallimin mes të qenit kryetar i Partisë Socialiste dhe të qenit kryeministër, je kryeministër i asaj zyre që protestojnë, nuk është mirë që të denigrojnë. Ia kam thënë madje që kur ishim në koalicion, para se të bëhej kryeministër që të bëjë dallimet. Janë ata taksapagues të kësaj republike të këtij shteti dhe të kësaj qeverie që drejtohet nga kryeministri Rama, dhe ai nuk duhet të bëjë dallime», tha Meta./ Tirana Today.
