Presidenti Ilir Meta ditën e sotme ka vizituar të prekurit shqiptarë nga tërmeti, të strehuar në Kampin e Inovacionit në Prizren.
Përmes një postimi në rrjetin social Facebook, Meta falenderon “Komunën e Prizrenit dhe kryetarin e saj z.Mytaher Haskuka për përkujdesjen e ngrohtë dhe vëllazërore, në veçanti vullnetarët që shërbejnë me dashuri, pa u lodhur”.
Reagimi i plotë i Metës:
“Sot në mbrëmje u takova me bashkëqytetarët e mi, që humbën banesat si pasojë e tërmetit shkatërrimtar të 26 nëntorit, të strehuar në Kampin e Inovacionit në Prizren.
Bashkëbiseduam për tejkalimin e situatës emergjente dhe rikthimin në normalitet.
Falenderoj Komunën e Prizrenit dhe kryetarin e saj z.Mytaher Haskuka për përkujdesjen e ngrohtë dhe vëllazërore, në veçanti vullnetarët që shërbejnë me dashuri, pa u lodhur”.
