Meta: Edhe nëse Rama merr 71 mandate pa vjedhur, si jap firmën për kryeministër

Presidenti i Republikës, Ilir Meta ka bërë një deklaratë të fortë mbrëmjen e sotme, ku është shprehur se edhe nëse Edi Rama i merr 71 mandate pa cënuar zgjedhjet e lira, ai nuk do ia japë firmën për kryeministër.

I ftuar në emisionin ”Çim Peka Live”, Meta u shpreh se se do t’i dorëzojë dorëheqjen e tij Ramës dhe do të dalë në bulevard, pasi e respekton vendimin e popullit.

Ilir Meta: “Deri tani zgjedhjet janë cënuar rëndë vetëm nga Edi Rama. Unë apeloj nga ky moment që të gjithë të reflektojnë, në mënyrë që të lejojmë shqiptarët të shprehin vullnetin e tyre të lirë. Nëse ai merr 71 mandate, unë firmë për kryeministër nuk i jap, por do i jap dorëheqjen time. Unë e respektoj vendimin e popullit. Unë dal në boulevard dhe ia lë zyrën atij.”

Pak kohë më parë, Meta tha se nëse Rama do të fitonte zgjedhjet do ta dekretonte si kryeministër dhe vetë do të jepte dorëheqjen, por mesa duket tani mendon vetëm të japë dorëheqjen.