Pas deklaratës së presidentit Ilir Meta, i cili propozoi zgjedhje të parakohshme parlamentare dhe presidenciale për të zgjidhur krizën politike në Shqipëri në 13 tetor, kur është dekretuar data për zgjedhjet lokale, pas shfuqizimit të 30 qershorit, kryeministri Edi Rama i është përgjigjur menjëherë.
Ai ka publikuar një deklaratë të pak minutave më parë të ministres së Shtetit për Marrëdhëniet me Parlamentin, Elisa Spiropali në Twitter.
Bashkëngjitur një fotoje të kreut të Shtetit, Rama shkruan: “Amanet mushkat se Baba Xhikja na la!”.
Në konferencë për mediat, Meta u shpreh: “Në 13 tetor edhe zgjedhje të përgjithshme edhe zgjedhje për presidentin. Dhe unë do kandidoj për president me këto kompetenca.
Edi Rama dhe kuvendi socialist që nuk më dëshirojnë, të vënë kandidat kë të dëshirojnë. Kjo është rruga që e zgjidh këtë krizë të tmerrshme të përfaqësimit”.
