Rama nga Asambleja Kombëtare e Partisë Socialiste, i është përgjigjur ftesës së Metës për debat duke thënë se më parë duhet të bëjë debat me bashkëshorten, Monika Kryemadhi, për të ndarë se kush e drejton në të vërtetë LSI-në.
“Që Iliri punon fshehtazi për LSI-në, kjo dihet”, tha kryeministri. Më pas, tha Rama, presidenti Meta duhet të bëjë debat me Lulzim Bashën, për të vendosur se kush e drejton opozitën.
“Ilir Meta thotë hajde në debat, Luli më do në debat, Monika më do në debat, vetëm Saliu nuk më do në debat se thotë s’është mendim i mirë. TaniIiliri të bëjë debat me Monikën, kush është kryetar i LSI-së, se që Iliri punon fshehtazi dhe Monika haptazi për LSI-në, kjo dihet. Po ta zgjidhë me Monikën njëherë kush është kryetar i LSI-së. Pasi ta zgjidhë me monikën njëherë, se e mund Monikën se i ka votat, Peço e do shumë. Pastaj të bëjë debatin me Lulin, kush është kryetar i opozitës”, u shpreh Rama.
