Për presidentin Meta, 13 tetori është data më e shpejtë për zgjedhje gjithëpërfshirëse. Kreu i Shtetit tha se detyra e tij është që tu japë mundësinë të gjithëve që të reflektojnë, e të bëhen pjesë e këtij procesi.
Ai po kështu apeloi që palët politike të sillen në mënyrë evropiane, që edhe këto pak muaj që kanë mbetur, të marrim sinjale pozitive për çeljen e negociatave nga BE.
“Lidhur me çështjen e pjesëmarrjes në zgjedhjet e përgjithshme vendore në 13 tetor, dua t’ju siguroj se s’mund të detyroj askënd të marrë pjesë në mënyrë të pavullnetshme në zgjedhje. Detyra ime si President i Republikës, është tu japë mundësinë te gjithëve të reflektojnë. Të bëhen pjesë e këtij procesi, të heqin dorë nga zgjedhja maksimaliste nga secila palë. Duke qenë se është një objektiv kombëtar, dhe i gjithë shqiptarëve kudo ku ndodhen, të sillemi në mënyrë evropiane dhe në këto pak muaj që kanë mbetur të marrin çeljen e negociatave nga BE. Unë nuk mund të garantoj se kush do të marrë pjesë. Unë dëshiroj që të gjithë të marrin pjesë”, tha Meta.
