Kreu i Shtetit, Ilir Meta, ka dekretuar në një kohë të shpejtë Evis Kushin, si ministren e re të Arsimit.
Pak çaste më parë, kryeministri Edi Rama i dërgoi presidentit Ilir Meta emrin e ministres së re të Arsimit, për ta dekretuar në këtë post pas largimit të Besa Shahinit.
Evis Kushi zuri vendin e Besa Shahinit, pasi kjo e fundit njoftoi dorëheqjen dhe largimin nga Shqipëria.
Deputetes socialiste iu besua një post në kabinetin qeveritar pas 7 vitesh angazhimi me Partinë Socialiste, si deputete në Elbasan.
Kushi është zgjedhur deputete e Partisë Socialiste në vitin 2013, dhe është anëtare në Komisionin për Ekonominë dhe Financat.
