Presidenti Ilir Meta i ka dërguar një letër të dytë KQZ-së, ku i kërkon informacion mbi praktikën shkresore që ka ndjekur ky institucion, për njoftimin e krijimit të vakancës në Kuvendin e Shqipërisë që është ndjekur për zëvendësimin e deputetëve të PD-së dhe LSI-së, që u larguan nga Kuvendi.
Ai kërkon kopjen e njoftimit të Kuvendit dhe kopjen e dorëheqjes së deputetëve nga mandati.
Letra e Metës i drejtohet kryetarit të KQZ-së, Klement Zgurit. Nuk dihet arsyeja e kësaj kërkese, por kujtojmë që Kuvendi aktualisht përbëhet nga 122 deputetë, pas shterimit të listave shumëemerore të partive opozitare.
