Meta, mjaft i prerë në qëndrimin e tij, tha sot në emisionin “Opinion” se nuk merret me ministren Gjonaj, ndërsa ka kërkuar që ti sjellë kryeministrin Rama për të pasur një përballje. Mjaft i drejtëpërdrejtë, Kreu i Shtetit iu drejtua gazetarit Blendi Fevziu se nuk merret me ministren e Drejtësisë, Etilda Gjonaj, por me kryeministrin.
“Monika bashkëshorte është në shtëpi. Zonja në fjalë të tregojë shokët tek SPAK-u. Presidenti ka 2 vite që i paralajmëron. I kam thënë tek Gjykata Kushtetuese është vijë e kuqe flakë.
Mos të merremi me zonjën falsifikatore. Atë e ka vrarë ai që nuk e lë të japë dorëheqjen, dhe e ka detyruar që të kryejë këtë akt kriminal. Nuk merrem me një ministre. Më sill Edi Ramën ta sqaroj me qetësi dhe dashuri”, tha Meta në fjalën e tij.
Pas kallëzimit penal të presidentit ndaj Ministres së Drejtësisë Etilda Gjonaj, kjo e fundit foli sot për akuzat e ngritura. Gjonaj tha se nuk është shprehur më herët, pasi ka dashur t’i japë kohën e mjaftueshme presidentit, për të ezauruar atë që ajo e quajti “spektakël për grupin armiqësor në Ministrinë e Drejtësisë”.
TIRANA TODAY
