Gjatë ditëve të fundit, kreu i shtetit Ilir Meta, nuk e ka fshehur afeksionin që ka për ish-liderin demokrat Berisha, duke krijuar aleancën dyshe kundër amerikanëve. Pak ditë më parë nga foltorja e Parlamentit, kreu i Partisë Demokratike, Lulzim Basha, e cilësoi Metën si pjesë të “Trekëndëshit të Bermudës”, së bashku me ish-kryeministrin Berisha dhe kryeministrin Edi Rama. Të premten, në një intervistë për “Zërin e Amerikës”, shefi i selisë blu sulmoi hapur kreun e shtetit.
Në fundjavë, presidenti Ilir Meta ka sulmuar kryedemokratin Basha. Sulmi vjen përmes zëdhënësit të tij, Tedi Blushi, i cili e cilësoi Bashën kukull të kryeministrit Rama. Presidenti Meta e ka etiketuar Bashën si “artisti” i Rilindjes, ndërkohë që ka publikuar një video të tij në vitin 2015, në të cilën kritikon kreun e opozitës për qëndrimet e tij.
“Të dashur miq,
Më këtë freskim kujtese, për një konstatim që në vitin 2015, ju uroj të gjithëve një fundjavë të mbarë, të paqtë dhe të gëzuar, përfshirë edhe “artistin” e Rilindjes”.
LSI ka nisur reagimet në bllok kundër Lulzim Bashës dhe Partisë Demokratike. Ish-deputetja Floida Kërpaçi thotë se Basha ka shitur kauzat e opozitës.
Statusi
“Ja iku Rama, po kush do vijë? Në demokraci kjo pyetje nuk ka vend, mirëpo në fasadë-demokracinë shqiptare, rezulton e kundërta.
Jemi përballur me këtë presion nga qytetarët në çdo ditë të aksionit opozitar 4 vjeçar dhe fushatës elektorale që lamë pas.
Njerëzit donin ndryshimin, e megjithatë shikonin tek lidershipi i opozitës, një kopje të shëmtuar të së keqes në pushtet.
Shqiptarët nuk shikonin forcë karakteri dhe vullnet për të mbrojtur interesat e tyre, por shitje të kauzave dhe papërgjegjshmëri për fjalën e dhënë.
Kjo është trashëgimia e kunat-Lulit si kreu i opozitës së bashkuar dhe arsyeja kryesore pse opozita në tërësi dhe LSI si mbështetëse pa kompromis të Opozitës së Bashkuar, morën atë rezultat në zgjedhjet e 25 Prillit.
Për më tepër, duke ndjekur deklaratat me regji nga kampi i PD drejtuar LSI, nuk kam gjetur asgjë të përbashkët me çfarë diskutohej në mbledhjet e grupeve parlamentare PD-LSI, si pjesë e opozitës së bashkuar.
Luli nuk mund të fshihet pas aleatit, sepse nuk e detyruam ne të vijonte 17 Majin, të digjte mandatet, të bojkotonte zgjedhjet, të godiste institucionet, të shkaktonte protesta dhe pastaj të linte opozitarët rrugëve nëpër komisariate”.
Ish-deputetja Kejdi Mehmetaj, i vë epitete nga më të ndryshmet duke nisur që nga “kryetaro-kunati, pengu, artisti, pazarxhiu, matematicieni që gënjen edhe për orën”.
Statusi
Çfarë ti thuash më Luli Bashës, që nuk ja kanë thënë akoma demokratët të cilët i la për 12 vite rrjesht në opozitë?
Çfarë ti thuash më Luli Bashës, kryetaro-kunatit, pengut, artistit, pazarxhiut, matematicienit që gënjen edhe për orën? Çfarë mund ti thuash më Luli Bashës, që gjeti shpëtim tek LSI në 2017 kur mezi mori 43 mandate e nga frika e konkurrencës shkërmoqi të gjithë PD-në?
Fatkeqsisht për Luli Bashën, LSI nuk mund të jetë më shpëtimi i tij, pasi LSI-së i ka borxh 19 mandatet e dorëhequra të 2019-ës, bashkitë e këshilltarët që nuk kandiduan se Luli Basha kishte frikë nga zgjedhjet lokale dhe mandatet e votat e humbura të 2021-it që kishte merak me banda e para t’ja blinte LSI-së njësoj si Edi Rama.
Fatkeqsisht për Luli Bashën, LSI zuri mend nga gabimi fillestar i të besuarit të atij që nuk i beson as familja e tij politike dhe fatkeqsisht për Luli Bashën as hija e tij nuk do i afrohet ndonjëherë hijes së Ilir Metës, se lider nuk të bën karrigia e kryetarit të PD, por morali, koherenca dhe qëndrueshmëria përballë qytetarëve.
Ndaj, Luli Basha të shohë hallet që e kanë zënë brenda shtëpisë së tij, pa u shqetësuar, se do i vijë momenti për tu përballur edhe me bëmat e mashtrimet ndaj LSI. Dhe kur të vijë momenti që LSI do flasë, nuk do ketë më plane gjermane, amerikane apo Edi Ramë që ta shpëtojnë!
